係Xanga個HKblog見到有人寫左篇"Stephy寫錯字有乜奇？"既Post去支持Stephy，竟然有幾百個comment support stephy......
部份內容:
Stephy寫錯字有乜奇？
文字如何用得正確，是很主觀的，亦很受主流文化及個人成長環境影響。人人都會寫錯字，教師會寫錯字，奧巴馬的文膽亦曾在外交講稿上寫錯字。鄉議局主席劉皇發更因為文膽寫錯字，因而在立法會會議上大出洋相，被曾特首問得口啞啞。
再說回Stephy的新書，始終文字不是Stephy的強項。今次事件的發生，可能是她在書成以後，沒有再找人查看，而金牌大風方面，亦未有聘請校對審驗文章，結果醜怪的事情就發生了。
做傳媒四年，自己亦曾接觸過不少時事評論員及才子的稿件。當中，最記得每次整理某知名時事評論員(下述評論員A)的稿件時，Dinezz與同事總是媽媽聲四起。這位評論員A以廣東話講出心中所想，是沒有問題的，但當他要將心中的想法化之為文字時，卻總是文白夾雜，句式不通，前言不對後語。他的稿件，每次差不多是需要編輯幫他整篇重新寫過。這實與當下部份已出書的年輕歌手搵寫手作文，相差無幾。
至於才子的稿件，他們文句是通順的，文章亦很有味道，但錯別字，始終有時是在所難免。
所以說，懂得說的人不代表他寫得好；寫出一些精彩文章的人，不代表他用字用得準確。
Stephy的書雖然是有錯字，但至少給大家知道，她的書很高機會是她本人寫的。
完整內容:http://hk.xanga.com/
梗係唔奇啦,Stephy喎!
錯字本身係無問題，每個人都會寫錯字，而一個作家寫錯字亦無可厚非，但至少佢地唔會犯一d低級錯誤，好似無耐﹑被他釘著﹑實淺﹑階斷等連小學生都識既字。如果Stephy係錯一d難字或者比較深既字，我諗無人會雞蛋裡挑骨頭。只可惜，佢錯既全部都係簡單到連小學生都唔會錯既字。
不過Stephy寫錯字真係唔出奇既，因為佢中文程度太低，會考中文有一分已經算萬幸，所以大家都唔會有咩期望，但希望佢唔好以"才女"自居，只會令其他有文化修養既作家蒙羞。「數年前，偶然於一訪問得知，原來鄧小姐愛讀德國哲學家尼采的著作。」 Stephy曾"不小心"向傳媒透露自己係尼采既讀者，真係笑大人個嘴。無人要針對藝人出書，但只希望佢地想做"才仔才女"之前，先讀好d書，識多幾個字先寫吧啦，雖然佢已經好俾心機睇尼采既書，但似乎佢由小學既中文書開始學起會有更好效果。如果唔係既話阿豬阿狗有Idea又話出書，全香港都係作者就唔係幾好啦。
至於「Stephy的書雖然是有錯字，但至少給大家知道，她的書很高機會是她本人寫的。」就更加充滿反智成分，雖然咁多錯字真係可以證明到係Stephy親筆，因為一個識字既小學生都唔會錯得咁離譜，但係，咁同"佢甩嘴走音先證明到佢無咪嘴"呢一類反智既藉口有咩分別?
我諗呢篇文章既作者同埋其他支持Stephy既朋友，有可能中文程度都唔會高過Stephy太多吧，因為你地都未必知道Stephy寫錯字。對唔住，見到咁多支持Stephy無錯既人係度，係躁左少少，但我只想可以為香港文化界做少少野，阻止文盲入侵，確保中國千年歷史文化免遭強姦。
